Мардуми Иёлоти Муттаҳида аз тариқи Бунёди амрикоии рушди байнулмилалӣ дар ҳаҷми 830 ҳазор доллар ба аҳолии Тоҷикистон, ки аз сармои камназир ва бӯҳрони шадиди энержӣ машаққат мекашад, кумак фиристодаанд. Ҳамчунин Вазорати умури хориҷии Амрико барои қишрҳои ниёзманди аҳолии Тоҷикистон якуним миллион доллар имдод ихтисос дода, ҳаҷми умумии кумаки Иёлоти Муттаҳидаро дар ин ҳафта ба 2,5 миллион доллар расондааст.
