Пайвандҳои дастрасӣ

logo-print
Ҳамаи сомонаҳои RFE/RL
Ҷустуҷӯи матн ...
Иқтисодиёт

М. Ҷонс: «СММ ба Тоҷикистон кумак хоҳад кард»

СММ омода шудааст, ки дар ҳолатҳои буҳрони энержӣ ба Тоҷикистон генераторҳо пешниҳод кунад.

Ба гуфтаи ҷаноби М. Ҷонс, ӯ дар ин мулоқот ба раисиҷумҳури Тоҷикистон тасдиқномаи дабири кулли СММ-ро ҷиҳати омодагии дастгирии кишвар дар рушди умумӣ, аз ҷумла соҳаи кишоварзӣ, таслим намуд.
Намояндаи доимии СММ ҳамчунин хабар дод, ки дар ҳоли ҳозир масъалаи интиқоли генераторҳо ба бемористонҳо ва дигар нуқоти муҳимми иҷтимоъӣ баррасӣ мегарданд. М.Ҷонс ҳамчунин гуфт, ки дар ҳамин робита ӯ аз ҳама сохторҳои СММ дар Тоҷикистон тақозо кардааст, то талаботи манотиқи кишвар ба барқро муайян кунанд.
Ҳангоми суҳбат бо хабарнигорон ҷаноби Ҷонс изҳор намуд, ки феълан Барномаи Рушди СММ (БРСММ) бо донорҳои дуҷониба ва бисёрҷониба оид ба масоили маблағгузории нерӯгоҳҳои хурди барқи обӣ кор мебарад. Ӯ ҳамчунин ваъда дод, ки ба Тоҷикистон насосҳои бидуни сӯзишвориву барқ барои обёрии заминҳои ҳосили теппаву водиҳо коркунанда оварда шаванд.
Ҳамоҳангсози СММ ҳамчунин
Мутазаккир шуд, ки сохторҳои дар ин кишварбудаи онҳо бо Кумитаи вазъҳои изтирории Тоҷикистон ҷиҳати фалокатҳои табиъии эҳтимолӣ, аз ҷумла селу обхезиҳои баҳорӣ, ҳамкориро идома хоҳанд дод.
М. Ҷонс аз нақшаҳои БРСММ дар доираи мусоидат ба омӯзиши кӯдакону занон, ва сабзонидани ниҳолҳои мевадиҳанда ҳам иттилоъ дод.
Дар поёни суҳбат Майкл Ҷонс гуфт, ки ба ғайр аз ин ҳама БРСММ нийят дорад, то корхонаҳои ордбарории Тоҷикистон ҷиҳати ба орд ҳамроҳ кардани витаминҳо ҳамкорӣ намояд. «Ҳамчунин мо, албатта, барои бештар шудани вуруди сармояи хориҷӣ ба Тоҷикистон ҷиҳати тавсиъаву рушди соҳибкорӣ дар кишвар мусоидат хоҳем кард» - ҷамъбаст намуд ҳамоҳангсози доимии СММ.

Назари хонандагон

New Comments Available

Агар сухане, назаре ё хабаре доред, бемалол ба мо занг занед ё SMS (паёмак) фиристед:

Дар Душанбе:

+992 988 65 94 63
+992 988 65 94 64

Дар Прага:

+420 724 053 959

Машваратдодашуда

Бозгашт ба оғоз
XS
SM
MD
LG