Вазорати умури берунаи Русия имрӯз нозири асосии интихоботҳо -- Созмони амният ва ҳамкории Аврупоро айбдор кард, ки гӯё мехоҳад, интихоботи президентии Русияро вайрон кунад. Дафтари ниҳодҳои демократӣ ва ҳуқуқи башари ин созмон ахиран ба Русия ҳушдор дод, ки агар маҳдудиятҳои мушоҳидаи интихоботро бекор накунад, нозирони он дар интихобот ширкат нахоҳанд кард. Созмони амният ва ҳамкории Аврупо ба интихоботи порлумонии Русия дар моҳи декабри соли гузашта ба нишони эътироз аз чунин маҳдудиятҳо нозир нафиристод.
