Низомиёни Амрикоӣ мегӯянд, ки бо вуҷуди коҳиши чашмгири мизони хушунат дар саросари Ироқ, амният дар ин кишвар "ниҳоят осебпазир" боқӣ мемонад. Адмирал Грегорӣ Смиф ба хабарнигорон гуфт, ҳузури Ал-қоида дар Ироқ ҳанӯз “бисёр ҷиддӣ аст”. Вай афзуд, ки иддаои Усома Бен Лодан дар навори видеоии тоза, ки созмони Ал-қоида мардуми ғайринизомиро намекушад дурӯғ аст ва амалкардҳои созмон баръакси ин гуфтаҳо мебошад. Ба гуфтаи Грегорӣ Смиф, акнун раҳбарони қабилаҳои ироқӣ, ки шӯроҳои бедорӣ ташкил мекунанд, дар ҳоли хунсо кардани созмони Ал-қоида дар Ироқ мебошанд.
