Дар қасабаи Софринои вилояти Маскав ҷасади як шаҳрванди Тоҷикистон бо захмҳои корд пайдо гардидааст. Ба иттилоъи вазорати умури дохилаи Русия, соати 5-и баъд аз зӯҳри рӯзи 25-уми ноябр дар наздикии фурӯшгоҳи «Магия» ҷасади ин шаҳрванди 27-солаи Тоҷикистон бо нишоне аз зарбҳои сар ва пайи корд дар рӯйу гардан ва қафаси синааш ёфт шудааст. Мақомоти интизомии Маскав дар ин робита тафтишот мебаранд.