Исми қурбонии таркиш Нур Музаффаров буда ӯ аз ноҳияи Ванҷ ба Хоруғ омада будааст. Бар асари таркиш як ҷавондухтари донишҷӯ захм бардошта ва дар ҳолати вазнин ба беморхона мунтақил шудааст.
Сухангӯи раёсати корҳои дохилии вилояти Бадахшон ба Радиои Озодӣ гуфт, инфиҷор бар асари истифодаи беэҳтиётона бо норинҷаки дастӣ аз ҷониби ҷавони кушташуда рух додааст. Файзи Мирҳасан, хабарнигори Радиои Озодӣ мегӯяд, дар маҳалли таркиш пораҳои норинҷаки таркидаро дидааст.
Таркиш харобиҳои зиёд ба бор наовардааст ва танҳо шишаҳои ду мошин шикастаанд.
