Кристина Фернандес Киршнер ҳини суханронӣ дар ҳузури тарафдоронаш дар шаҳри Буйенос Айрес бо ситоиш аз дастовардҳои шавҳараш, раисҷумҳури Аргентина Нестор Киршнер, ёдовар шуд ва гуфт, сиёсатҳои ӯро идома хоҳад дод.
Агар натиҷаҳои ниҳоии интихоботи раёсати ҷумҳури Аргентина таъйид шавад, Кристина Фернандес Кришнер 10-уми декабр нахустин раисиҷумҳури зан дар Аргентина хоҳад шуд, ки ба таври демократӣ ба қудрат мерасад.
Бисёре аз мардуми Аргентина шавҳари ӯ Нестор Киршнерро наҷотдиҳандаи иқтисодиёти кишварашон медонанд. Баъд аз раисҷумҳур шудани ӯ Аргентина, ки дар панҷаи бӯҳрони шадиди иқтисодӣ буд, рӯ ба беҳбудӣ овард. Акнун Аргентина бисёре аз қарзҳои хориҷиашро баргардондааст, рушди иқтисодиаш солона 8 дар садро ташкил медиҳад ва мардуми миёнаҳол дар кишвар зиёдтар мешавад.
Кристина Фернандес Киршнер, ки зебо мепушад ва ақидаҳои чапгароёна дорад, рӯзҳои афсонавии Евита Перонро ба ё меорад ва фаъолиятҳои сиёсиаш достони Ҳиллари Клинтонро. Шавҳари ӯ пеш аз он ки ба мақоми раёсати ҷумҳур бирасад, фарди начандон шинохта ва раиси як минтақа буд. Ин мақом барои ҳамсараш имкони фаъолиятҳои сиёсиро фароҳам овард ва ӯ сипас вакили мардумӣ дар порлумони Аргентина интихоб шуд.
Рафтори раисҷумҳур ин гуфтугуҳоро барангехтааст, ки сулолаи сиёсии нав метавонад, суннатҳои барқароршудаи демократия дар Аргентинаро аз байн барад.
Кристина Фернандес Киршнер маъракаи маъмулии интихоботӣ пеш набурд. Вай вориди баҳс бо рақибони сиёсиаш нашуд, аз тарғиботи матбуотӣ худдорӣ намуда ва ҳамоишҳои чандоне низ баргузор накард. Чун вақти мардум дар Аргентина хубтар мегузарад, зоҳиран теъдоди каме аз онҳо нигарони ин масъала ҳастанд.
Кристина Фернандес Киршнер қавл додааст, ки сиёсатҳои шавҳарашро идома хоҳад дод ва онҳоеро ҳам фаромуш нахоҳад кард, ки аз рушди иқтисодӣ дар кишвар бебаҳра мондаанд. Аммо ӯ чӣ гуна ваъдаҳояшро амалӣ хоҳад кард, бешубҳа на танҳо аз тарафи мардуми Аргентина балки аз тарафи раҳбарони ҷаҳонӣ, ки ҳамсарони зирак ва фаъол доранд, аз наздик назора хоҳад шуд.
Тоҷикистон кишвари амн нест - ба хонаи мардум одамони ношинос ба зӯр даромада сарбоз шикор мекунанд, ҷавононро дар кӯча дошта облава мекунанд, гаишникҳо ронандаҳоро дошта ба зӯр пора меситонанд, муаллимҳо аз донишҷӯён пул тамаъ мекунанд - ку амният???
Барфи аввал бахт меорад ба кишвар Шуд дилхо аз зебоиаш мунаввар
Вой бар холи мардуми азизам бо чунин Парлумону раиси дар хоби гафлатмонда ва хукумати фасодзадаву махаллгаро, дуруг мегуянду заррае сурх хам намешаванд, агар хамин маблагхои мухочирони мехнати набошад Точикистон ба нони хурдан зор мемонад
Афсӯс раиси ҷумҳури Тоҷикистон Эмомалӣ Раҳмон аз амалҳои додрасҳои (судяҳои) вилояти Суғд лоакал 10 фоиз огаҳ нестанд ва агар на, 80 фисади кормандони додрасҳоро барои беадолатӣ ва қонуншикани на кам аз 15 соли зиндони мекарданд. Боз афсӯс, ки роҳ ба назди пешвои миллат надорам ва агар на, чи қадар аз порахуриҳои додрасҳо ва беадолатона амал карданашон, бо далелҳои асоснок қисса мекардам.
Мобайнрави кадрхо оилахошон шудааст. Аммо худро мусичаи бегунох вонамуд мекунанд. Як дурусттар назар кунед... кихо ба мудирони богчахо, директорони мактабхо, умуман дар аксари вазифахо таьин мешаванд. Ё аз ин холат хабар доранду чашм мепушанд. Ба дипломхояшон назар афканед, то кадом дарача хакики мебошанд. Боки ..... худатон медонед.