Номаҳои Шумо -- аз дуру наздик

Салом, ба шумоҳо чӣ шуд? Ду рӯз боз сайтатон шах шудааст, фаъол нест? Ё коргаронатон отпускаба рафатагӣ? Ба ҳар ҳол мо мунтазири фаъол шудани сайти дӯстдоштаниамон ҳастем.
Саломат бошед!
Симин
--------------------------------------
Салом,
Сипосгузор ҳастам, ки дар фикри амнияти Тоҷикистон ҳастед. Аммо бояд бигӯям, ки 250 нафар дар мадрасаҳои Эрон дарс мехонанд, ки инҳо ҳам дар ояндаи наздик метавонанд амнияти Тоҷикистонро дар хатар биандозанд.
Донишҷӯ аз Эрон
--------------------------------------
Рости гапро гӯям, сомонаи Шуморо дӯст медорам, аммо барномаҳоятро на, чунки бо одамоне сӯҳбат меороед, ки пас аз шунидани сухани онҳо, аз тоҷик буданам шармам меояд. Наход ҷавонони мо то ҳамин андоза бесавод ва дорои шуури пастанд, ки аз мавзӯъҳо чандин фарсах дур рафта, суханони пучу бемаънӣ мезананд ва Шумо омоданкунандагони барнома бошед, ҳамон суханонро ба 1 тин намеарзидагиро ба радио пешкаш мекунад? Мутолиа кардани саҳифаҳои сайтатонро дӯст медорам, чунки назар ба барномаи зинда хубтар аст.
Беимзо
--------------------------------------
Салом ба кормандони радиои Озодӣ.
Якчанд рӯз пеш ман барномаи шуморо гӯш мекардам, вале ҳушам ба кори дигар банд буд ва гӯё шунидам, ки дар бораи зинда кардани одам ахборе доштед. Агар манзури маро фаҳмида бошед, ҳамон ахборро ба ман равон кунед.
Дар амони худо бошед.
Беимзо
--------------------------------------
Дар атрофи исми инсон.
Ҳусоюн чӣ маъно дорад?
Ва номе ки ба ҳарфи "С" сар мешавад, чӣ бошад?
Алиҷон
--------------------------------------
Чаро ахбори дохили Тоҷикистон кам шудаасту аз берун зиёд? Мо ахбори ҷаҳонро аз сайтҳои англисӣ ва русӣ ҳам дастрас мекунем. Беҳтараш ба ахбори дохил аҳамият диҳед.
Симин
--------------------------------------
Ассалом, коргарони гиромиқадр. Ман мехоҳам, барои Шумо як савол пешниҳод кунам, ки оё давлати Тоҷикистон дар нисбати ҳуқуқи башар ягон хушунате пайдо кардааст? Агар не, пас чаро ҳиҷоб ё сарпӯширо барои духтарони тоҷик манъ мекунад.
Оятуллоҳ
--------------------------------------
Ассалому алейкум ва раҳматуллоҳи вабаракотуҳ.
Сиҳатмандии ҳамаи Шуморо аз боргоҳи худованд хоҳонам ва умедворам, ки дар ҳамаи корҳоятон аз муваффақияти комил бархӯрдор бошед.
Ман як шаҳрванди Тоҷикистонам, ки феълан дар Покистон машғули таҳсил ҳастам. Ман ба барномаҳои дилчаспи шумо бисёр алоқа дорам ва тақрибан ҳар рӯз хабарҳоро ба воситаи интернет гӯш мекунам ва мақолаҳоро мехонам.
Бо эҳтиром
Абӯмуҳаммад
Покистон
--------------------------------------
Салом радио Озодӣ!
Аз кай боз шумо тарғибгари Раҳмонов гаштед?
Бахши "Фақат ба хотири сулҳ"-атонро гӯё бахши тарғиботии ҳукумтаи Раҳмонов таҳия мекунад.
Аз шумо эътимодам коста мешавад.
Тоҷ
--------------------------------------
Ман баъзе барномаҳои Шуморо аз интернет мехонам.
Орзуи Карим
--------------------------------------
Дуруд ба ҳамаи шумо, дастандаркорони Бахши тоҷикии радиои Озодӣ!
Ман як нафар тоҷикистонӣ ҳастам ва айни замон дар Иёлоти Муттаҳидаи Амрико ҳамчун довталаб фаолият дорам. Ҳар рӯз тариқи интернет аз сайти шумо аз тозатарин рӯйдодҳо ва воқеаҳои олам ва Тоҷикистон огоҳ мешавам. Ва Тавассути радио гоҳ-гоҳе шифоҳӣ мешунавам. Як пешниход дорам. Ва он ине ки бисёр хуб мешуд агар аз ҳаёти тоҷикони муқими тамоми олам, новобаста аз мавқеъ, синну сол маълумот медодед. Зеро ман гумон мекунам қалби эшон бо ёди Тоҷикистон вамеша метабад. Аммо ман низ дар ҷустуҷӯи ҳамватан ҳастам ва кушиш мекунам ки бо ягон тоҷикистонӣ мулоқот намоям.
Барномаҳоятонро хело дӯст медорам ва барои иқдому ташаббусатон дар оянда муваффақият мехоаам.
Бо эҳтиром
Фирдавс