Собиқ президенти Иёлоти Муттаҳидаи Амрико (ИМА) Бил Клинтон мегӯяд, ки дар оянда гармшавии саросарӣ таҳдиди бештар аз терроризм хоҳад буд. Клинтон таъкид мекунад, ки ИМА ва кишварҳои дигар бояд баҳри ҳалли ин мушкилӣ талош варзанд. Ҳангоми мулоқот бо хатмкунандагони Донишгоҳи аёлати Тексас собиқ раисҷумҳури ИМА гуфт: "Вашингтон бояд сиёсатеро пеш гирад, ки дӯсти бештар ва душмани камтар ба бор орад. Ҳамзамон ИМА бояд ҳамкории дар чорчӯби байналмилалӣ танзимёфтаро барои ҷилавгирӣ аз зиёни гармшавии саросарӣ истифода барад. "