Ҳукумати Ҷопон мегӯяд, ба ҷуз аз рехтани оби бештар ба реакторҳои осебдидаи Фукушима чораи дигар надорад, то аз об шудани заррачаҳои ҳастаии ниругоҳ пешгирӣ кунад. Юкио Эдано-дабири аввали кобинаи Ҷопон ба хабарнигорон гуфт, чунин кор “ҳатмист”, бо вуҷуди он ки хатари хуруҷи радиоактиф бештар мешавад. Пештар Ниото Кан-нахуствазири Ҷопон дар ҷаласаи кумитаи порламони кишвараш гуфт, ки ҳукумат дар робита бо бӯҳрони ин ниругоҳ дар ҳолати “омодабоши комил” боқӣ мемонад.