Тимҳои миллии Канада, Бразилия, Парагвай, Марокаш, Норвегия, Фаронса, Мексика, Англия, Белгия ва ИМА, ки дар даври 1/16-ниҳоии қаҳрамонии ҷаҳон-2026 рақибонашонро шикаст доданд, ба ҳаштякфинал роҳ ёфтанд.
Дар даври 1/16-ниҳоӣ Канада бар Ҷумҳурии Африқои Ҷанубӣ (1:0), Бразилия бар Ҷопон (2:1), Парагвай бар Олмон (1:1, силсилаи пеналти – 4:3), Марокаш бар Нидерланд (1:1, силсилаи пеналти – 3:2), Норвегия бар Кот-д'Ивуар (2:1), Фаронса бар Шведсия (3:0), Мексика бар Эквадор (2:0), Англия бар ҶД Конго (2:1), Белгия бар Сенегал (3:2, замони асосӣ – 2:2) ва ИМА бар Босния ва Ҳерсеговина (2:0) пирӯз шуданд.
Ҳамакнун дар 1/8 финал Канада бо Марокаш, Бразилия бо Норвегия, Парагвай бо Фаронса, Мексика бо Англия, ИМА бо Белгия рақобат мекунанд.
Бозиҳои 1/16-финалӣ то 4-уми июл идома хоҳанд кард. Бозиҳои 1/8-ниҳоӣ рӯзҳои 4–8-уми июл, чорякниҳоӣ 9–11-уми июл, ниманиҳоӣ 14–15-уми июл ба нақша гирифта шудааст.
Бозии ниҳоӣ 19-уми июл дар варзишгоҳи «Метлайф Стэдиум» (MetLife Stadium), дар шаҳри Ист-Ратерфорд (иёлати Ню-Ҷерси, ИМА) доир мегардад.
Дар 1/16 финал боз шаш бозӣ баргузор шуда, 12 даста вориди рақобат мешаванд (замони оғози бозиҳо бо вақти Душанбе):
3 июл:
0:00. Испания - Австрия (Лос-Анҷелес)
04:00. Португалия- Хорватия (Торонто)
08:00. Швейтсария - Алҷазоир (Ванкувер)
23:00. Австралия - Миср (Даллас)
4 июл:
03:00. Аргентина - Кабо-Верде (Майами)
06:30 Колумбия - Гана (Канзас Сити)
1/8 финал:
4 июл:
22:00. Канада - Марокаш (Хюстон)
5 июл:
02:00. Парагвай - Фаронса (Филаделфия)
6 июл:
01:00. Бразилия - Норвегия (Ню-Йорк)
05:00 Мексика - Англия (Мехико)
7 июл:
00:00. Португалия/Хорватия - Испания/Австрия (Даллас)
05:00. ИМА - Белгия (Сиэтл)
21:00. Аргентина/Кабо-Верде - Австралия/Миср (Атланта)
8 июл:
01:00. Швейтсария/Алҷазоир - Колумбия/Гана (Ванкувер)
Дар сабқати нишонзанҳои беҳтарини Ҷоми ҷаҳонии футбол-2026 Килиан Мбаппе (Фаронса) ва Лионел Месси (Аргентина) бо шашголӣ пешсафанд. Гарри Кейн (Англия), Эрлинг Ҳоланн (Норвегия) панҷголӣ, Винисиус Жуниор (Бразилия), Исмоил Сарр (Сенегал) ва Усмон Дембеле (Фаронса) чорголӣ задаанд.
Гуфтугӯ