Дафтари президенти Украина гуфт, ки нирӯҳои Русия мошинҳои Салиби Сурхро ҳадаф қарор доданд ва дар натиҷаи он инчунин ду корманди ин созмон маҷрӯҳ гардиданд.
Владимир Зеленский инро “як ҷинояти дигари ҷангии Русия” номид. Миряна Сполярич, президенти Кумитаи байналмилалии Салиби Сурх бо нашри изҳороте ҳамла ба кормандони ин ниҳодро маҳкум намуд ва гуфт, ки се корманди ин созмон дар маконе кушта шуданд, ки қаблан ҳамчун нуқтаи тақсими ёриҳо таъин шуда буд.
