Кумитаи ҳолатҳои фавқулода вобаста ба ин вазъ, ба ниҳодҳои зидахл ва аҳолӣ муроҷиат кардааст, ки барои пешгирии оқибатҳои сел, каналҳо, селроҳаҳо ва ҷӯйборҳоро тоза кунанд.
Кумита ҳамзамон ба волидон муроҷиат карда, аз онҳо хостааст, ки фарзандони нобилиғашонро беназорат нагузоранд ва онҳоро ба моҳидорӣ ва чорвочаронӣ, инчунин ҷамъоварии гиёҳҳои шифобахш ва ҳезум равон накунанд.
Сокинони Тоҷикистон дар гузашта борҳо аз селу боронҳои пуршиддат зиён дида, аз камтаваҷҷӯҳии мақомот шикоят кардаанд.
Тоҷикистон кишвари осебпазир дар баробари фалокатҳои табиӣ аст ва солона аз онҳо миллионҳо доллар зиён мебинад.
