Саидов ҳамчунин дар ин сафар бо мақомдорони баландпояи дигари Толибон мулоқот ва гуфтугӯ кардааст.
"Дар ҷараёни суҳбатҳо мо масоили гуногуни ҳамкориҳои мутақобилро баррасӣ кардем. Ба ташкили шароити мусоид барои тақвияти робитаҳои иқтисодӣ ва беҳсозии муносибатҳои тиҷории ду кишвар таваҷҷуҳи хос равона шуд", - омадааст дар хабари Вазорати корҳои хориҷии Узбекистон.
Ин нахустин сафари Бахтиёр Саидов ба ҳайси вазири корҳои хориҷии Узбекистон ба Афғонистон аст.
Як сол пеш вазири вақти корҳои хориҷии Узбекистон Абдулазиз Комилов бо намояндагони "Толибон" гуфтугӯ карда буданд.
Моҳи октябри соли гузашта ҳайтаи Узбекистон бо роҳбарии муовини сарвазир Ҷамшед Хоҷаев ба Афғонистон рафта буд. Як моҳ пеш раиси Хадамоти амнияти давлатии Узбекистон Абдусалом Азизов дар Кобул бо вазири муваққати мудофиаи Толибон Муҳаммад Яъқуб мулоқот кард.
Моҳи декабри соли 2022 президенти Узбекистон Шавкат Мирзиёев гуфта буд, ки омодаи ҳамкорӣ бо ҳукумати "Толибон" ҳастанд.
