Ба иттилои оҷонсии иттилоотии варзишии azerisport.com, дар ин мусобиқаи байналмилалӣ 97 варзишгари солҳои таваллудашон 2006-2007 аз шаш кишвар - Озарбойҷон, Русия, Узбекистон, Қазоқистон, Тоҷикистон, Арабистони Саудӣ, инчунин дастаи Конфедератсияи бокси Аврупо (EUBC) - дар 13 вазн миёни писарон рақобат карданд.
Варзишгарони тоҷик Анӯшервон Фозилов дар вазни -54 кг ва Руслан Ғафуров дар вазни -63,5 кг бо медалҳои тилло сарфароз шуданд.
Мансурхӯҷа Мӯъминов дар вазни -48 кг медали нуқра ва Муҳсин Раҳмонов дар вазни -51 кг медали биринҷӣ гирифтанд.
Дар ҳисоби умумидастаӣ мунтахаби Озарбойҷон бо касби 22 медал (5 тилло, 4 нуқра ва 13 биринҷӣ) соҳиби ҷойгоҳи аввал шуд.
Мунтахаби Қазоқистон бо касби 16 медал (4 тилло, 5 нуқра, 7 биринҷӣ) ҷойгоҳи дуюмро гирифт.
Дастаи Тоҷикистон, ки бо касби 4 медал (2 тилло, 1 нуқра, 1 биринҷӣ) ҷойгоҳи сеюмро азони худ кард, аз тимҳои Узбекистон (5 медал:1-2-2) ва Русия (3 медал:1-1-1).пеш гузашт.
