Довари FIFA (Федератсияи байнулмилалии футбол) Муҳаммад Ал-Алӣ сардовари ин бозӣ таъйин шудааст.
Бозӣ миёни қаҳрамонҳои футболи Тоҷикистон ва Эрон рӯзи сешанбеи 7-уми ноябр дар Варзишгоҳи марказии шаҳри Душанбе соати 19:00 оғоз меёбад.
«Истиқлол» омодагиро ба бози бо «Персеполис» бо раҳбарии сармураббӣ Игор Черевченко шуруъ намуд.
Нархи билет барои тамошои ин бозӣ барои минбари ғарбӣ 50 сомонӣ ва барои се минбари дигар (шимолӣ, шарқӣ ва ҷанубӣ) 20 сомонӣ муқаррар шудааст.
«Истиқлол»-и Душанбе дар даври севуми марҳилаи гурӯҳии Лигаи қаҳрамонҳои AFC-2023/24 дар гурӯҳи “Е” аз тими «Персеполис»-и Теҳрон бо ҳисоби 0:2 шикаст хӯрда буд.
Дар ин бозӣ, ки 24-уми октябр дар варзишгоҳи Озодии Теҳрон баргузор шуд, ҳарду голро ҳамлагар Саид Содиқӣ дар дақиқаҳои 44-ум ва 71-ум ба самар расонид.
Бозигарони “Персеполис” бо раҳбарии сармураббӣ Яҳёи Гулмуҳаммадӣ бозии хуберо анҷом доданд ва тавонистанд се имтиёз бигиранд.
Ҳоло дар ҷадвали гурӯҳи “Е” дастаи “Ал-Наср”-и Арабистони Саудӣ бо 9 имтиёз дар мақоми аввал аст. “Персеполис” бо 6 имтиёз дар зинаи дувум қарор дорад. “Ал-Дуҳайл”-и Қатар ва “Истиқлол” якимтиёзӣ ба даст овардаанд.
Бозии дигари даври чаҳоруми марҳилаи гурӯҳии Лигаи қаҳрамонҳои AFC-2023/24 дар гурӯҳи “Е” 7-уми ноябр дар шаҳри Давҳаи Қатар байни дастаҳои «Ал-Дуҳайл» ва «Ал-Наср» соати 23:00 ба вақти Душанбе оғоз меёбад.
Аз рӯи натиҷагирии марҳилаи гурӯҳии Лигаи қаҳрамонҳои AFC-2023/24 ғолибони панҷ гурӯҳ дар ҳар як минтақа, инчунин се дастаи нишондодҳояшон хубтари ҷойҳои дувуми гурӯҳҳо дар ҳар як минтақа, дар маҷмуъ 16 даста, ба 1/8 финал роҳ пайдо мекунанд.
Марҳилаи гурӯҳии Лигаи қаҳрамонҳои AFC-2023/24
Минтақаи Ғарб
Гурӯҳи «Е»
Даври 1-ум
«Истиқлол» (Тоҷикистон) – «Ал-Дуҳайл» (Қатар) – 0:0
19-уми сентябр. Душанбе, Варзишгоҳи марказии ҷумҳуриявӣ.
«Персеполис» (Эрон) – «Ал-Наср» (Арабистони Саудӣ) – 0:2
Голҳо: Даниал Исмоилифар, 62 – ба дарвозаи худ (0:1). Муҳаммад Қосим Ал-Нахлӣ, 72 (0:2).
19-уми сентябр. Теҳрон, Варзишгоҳи Озодӣ.
Даври 2-юм
«Ал-Наср» (Арабистони Саудӣ) – «Истиқлол» (Тоҷикистон) – 3:1
Голҳо: Сенин Себай, 44 (0:1), Криштиану Роналду, 66 (1:1), Андерсон Талиска, 72 (2:1), Андерсон Талиска, 77 (3:1).
2-юми октябр. Риёз, варзишгоҳи «Ал-Аввал Парк».
«Ал-Дуҳайл» (Қатар) – «Персеполис» (Эрон) – 0:1
Гол: Умед Алишоҳ, 63 (0:1).
2-юми октябр. Давҳа, варзишгоҳи Абдуллоҳ Бин Халифа.
Даври 3-юм
«Персеполис» (Эрон) – «Истиқлол» (Тоҷикистон) – 2:0
Голҳо: Саид Содиқӣ, 44 (1:0), Саид Содиқӣ, 71 (2:0).
24-уми октябр. Теҳрон, варзишгоҳи Озодӣ.
«Ал-Наср» (Арабистони Саудӣ) - «Ал-Дуҳайл» (Қатар) – 4:3
24-уми октябр. Риёз, варзишгоҳи «Ал-Аввал Парк».
Мавқеи дастаҳо дар ҷадвали гурӯҳи «Е»
|
Ҷ |
ДАСТАҲО |
Б |
Ғ |
М |
Б |
Т |
И |
|
1 |
«Ал-Наср» (Арабистони Саудӣ) |
3 |
3 |
0 |
0 |
9-4 |
9 |
|
2 |
«Персеполис» (Эрон) |
3 |
2 |
0 |
1 |
3-2 |
6 |
|
3 |
«Ал-Дуҳайл» (Қатар) |
3 |
0 |
1 |
2 |
3-5 |
1 |
|
4 |
«Истиқлол» (Тоҷикистон) |
3 |
0 |
1 |
2 |
1-5 |
1 |
Даври 4-ум
7-уми ноябр (сешанбе)
19:00. «Истиқлол» (Тоҷикистон) - «Персеполис» (Эрон)
23:00 (ба вақти Душанбе). «Ал-Дуҳайл» (Қатар) - «Ал-Наср» (Арабистони Саудӣ)
