Пайвандҳои дастрасӣ

Хабари нав

Вазирони корҳои хориҷии ИА дар Киев ҷамъ шуданд


Вазирони корҳои хориҷии кишварҳои узви Иттиҳоди Аврупо ба Киев рафтаанд
Вазирони корҳои хориҷии кишварҳои узви Иттиҳоди Аврупо ба Киев рафтаанд

Аксар вазирони корҳои хориҷии Иттиҳоди Аврупо рӯзи 2-юми октябр ба нишони ҳамраъйӣ бо Украина дар Киев ҷамъ шудаанд.

Ҷозеп Боррел, масъули сиёсати хориҷии Иттиҳоди Аврупо ва Дмитрий Кулеба, вазири корҳои хориҷии Украина мулоқотро "таърихӣ" хонданд.

Вазирони корҳои хориҷии Маҷористон (Венгрия) ва Лаҳистон (Полша) ба нишасти Киев нарафтанд.

Сарвазири Маҷористон бо Владимир Путин, президенти Русия, равобити наздик дорад. Виктор Орбан мухолифи додани силоҳ ба Киев ва ё пазируфта шуданаш ба ҳайати Иттиҳоди Аврупост.

Муносибатҳои Лаҳистон бо Украина маъмулан хуб аст, аммо дар ҳоли ҳозир ба сабаби баҳс дар бораи содироти ғаллаи Украина андаке печида шудааст.

XS
SM
MD
LG