Ин бозии даври чаҳоруми мусобиқот шаби 25-уми август дар Варзишгоҳи марказии шаҳри Ҳисор доир гардид.
Ҳарду гол дар нимаи аввали дидор зада шуд. Голҳоро Идрис Давлатзода ва Муҳаммад Назриев ба самар расонданд. Пештар мунтахаби наврасони Тоҷикистон ба дастаҳои Афғонистон (3:1) ва Қирғизистон (4:1) пирӯз шуда буд.
Дар бозии дигари даври чаҳорум шоми ҷумъа дар Варзишгоҳи марказии Ҳисор мунтахаби Эрон дастаи Қирғизистонро ба ҳисоби бузурги 7:0 шикаст дод.
Дар даври ниҳоии мусобиқот рӯзи 27-уми август дастаи наврасони Тоҷикистон бо тими Эрон бозӣ мекунад. Ин дидор дар Варзишгоҳи марказии Ҳисор соати 21:00 оғоз меёбад. Пеш аз ин бозӣ соати 18:00 дастаҳои мунтахаби наврасони Афғонистону Узбекистон ба рақобат мепардозанд.
Ба ин тартиб, дастаи мунтахаби наврасони Тоҷикистон, ки дар ҳарсе бозиаш пирӯз шудааст, дар ҷадвали мусобиқот бо касби 9 имтиёз дар мақоми аввал аст.
Дастаҳои мунтахаби наврасони Афғонистону Узбекистон, ки 6-имтиёзӣ гирифтаанд, ба дарназардошти таносуби тӯбҳо дар ҷойҳои дувуму севум қарор доранд.
Тими наврасони Эрон бо касби 3 имтиёз ҷои чаҳорумро азони худ кардааст. Мунтахаби Қирғзистон, ки бидуни имтиёз дар зинаи охирин ҷойгир шуд, бозиҳояшро ба анҷом расонд.
Мусобиқоти қаҳрамонии CAFA-2023 байни дастаҳои наврасон (U-17), ки 20-уми август шуруъ шуд, дар Варзишгоҳи марказии Ҳисор рӯзи 27-уми август ба поён мерасад.
Дар ин мусобиқот дастаҳои мунтахаби наврасони панҷ кишвари минтақа – Афғонистон, Қирғизистон, Тоҷикистон, Узбекистон ва Эрон - ширкат доранд.
Дар доираи мусобиқоти қаҳрамонии CAFA-2023 (U-17) 10 бозӣ баргузор мешавад. Мусобиқот аз рӯи системи даврӣ дар як марҳила сурат мегирад. Дастаи ғолиб аз рӯи шумораи имтиёзҳо муайян хоҳад шуд.
Мунтахаби наврасони Тоҷикистонро сармураббӣ Далер Каёсов ба ин мусобиқот омода кардааст. Зимнан, футболбозони навраси тоҷик моҳи октябри соли оянда дар мусобиқоти интихобии Ҷоми Осиё-2025 ширкат хоҳанд кард.
Мусобиқоти қаҳрамонии CAFA-2023 байни дастаҳои мунтахаби наврасон (U-17)
Иштироккунандагон:
Тоҷикистон
Эрон
Узбекистон
Афғонистон
Қирғизистон
Даври 1-ум
20 август (якшанбе)
Қирғизистон – Афғонистон – 0:3
Узбекистон – Эрон – 3:1
Даври 2-юм
21 август (душанбе)
Афғонистон – Тоҷикистон – 1:3
Қирғизистон – Узбекистон – 0:2
Даври 3-юм
23 август (чоршанбе)
Эрон – Афғонистон – 1:2
Тоҷикистон – Қирғизистон – 4:1
Даври 4-ум
25 август (ҷумъа)
Эрон – Қирғизистон – 7:0
Узбекистон – Тоҷикистон – 0:2
Мавқеи дастаҳо дар ҷадвали мусобиқот:
|
Ҷ |
ДАСТАҲОИ МУНТАХАБ |
Б |
Ғ |
М |
Б |
Тӯбҳо |
И |
|
1 |
Тоҷикистон |
3 |
3 |
0 |
0 |
9-2 |
9 |
|
2 |
Афғонистон |
3 |
2 |
0 |
1 |
6-4 |
6 |
|
3 |
Узбекистон |
3 |
2 |
0 |
1 |
5-3 |
6 |
|
4 |
Эрон |
3 |
1 |
0 |
2 |
9-5 |
3 |
|
5 |
Қирғизистон |
4 |
0 |
0 |
4 |
1-16 |
0 |
Даври 5-ум
27 август (якшанбе)
18:00 – Афғонистон – Узбекистон
21:00 – Тоҷикистон – Эрон
Гуфтугӯ