Ваколатдори ҳуқуқи инсон дар Узбекистон хабар дод, ки 35 гумонбари дигар дар бетартибиҳои шаҳри Нуқуси Қарақалпоқистон дар асоси кафолати давлатӣ ба назди хонаводаҳои худ баргаштанд.
"Додситонии кулли Узбекистон 1-уми ноябри соли 2022 бо пешниҳод ва дархости Маҷлиси Қарақалпоқистон дар асоси кафолати давлатӣ 35 гумонбари дигарро ба назди хонаводаҳояшон баргардонд”, - омадааст дар иттилоияи расмӣ.
Манбаъ афзудааст, шумори гумонбароне, ки бо ташаббуси кумисюни давлатӣ аз боздоштгоҳ ба назди хонаводаҳояшон баргаштаанд, ба 107 нафар расид.
Рӯзҳои 1-2-уми июли соли ҷорӣ дар шаҳри Нуқуси Қарақалпоқистон зидди тағйир додани мақоми конститутсионии ин ҷумҳурӣ гирдиҳамоӣ ташкил шуд.
Нер=ҳои қудратии Узбекистон гирдиҳамоиро пахш карданд. Ба иттилои расмӣ, дар он ҳодисаҳо 21 кас кушта ва 243 кас маҷруҳ гардидааст. Мақомот 516 тани дигарро боздошт карданд.
Гуфтугӯ