Нусхаи дастнависи қадими китоби Қуръонро аз як зиёратгоҳи ноҳияи Чортоқи вилояти Намангони Узбекистон дуздиданд.
Дар Раёсати пулиси Намангон гуфтанд, ки ҳодиса шаби 9 ба 10 август тахминан соати 00:04 рух додааст.
“Шахсони номаълум нусхаи дастнависи Қуръонро, ки дар зиёратгоҳи “Султон Увайси Қаранӣ” дар маҳаллаи “Баликкул” нигаҳдорӣ мешуд, дуздида, ба самти номаълум ғайб задаанд”, - гуфтанд дар раёсат.
Нусхаи дуздидашуда соли 1874 аз абрешим сохта шудааст. Баландии китоб 74 сантиметр, бараш 51 сантиметр, ғафсӣ 12 сантиметр ва он аз 426 саҳифа иборат аст.
