Мусобиқаи интихобии қаҳрамонии футболи ҷаҳон, ки моҳи июни соли 2019 шуруъ шуда буд, моҳи июни соли 2022 ба поён расид. 32 дастаи мунтахаби миллӣ ба Ҷоми ҷаҳон-2022 дар Қатар роҳ ёфт.
Мунтахаби Коста-Рика охирин дастаест, ки ба марҳилаи ниҳоии Ҷоми ҷаҳон-2022 роҳхат гирифт. Ба ин тартиб, таркиби ҳамаи ҳашт гурӯҳи мусобиқаи қаҳрамонии ҷаҳон-2022 муайян шуд:
Гурӯҳи А: Қатар, Эквадор, Сенегал, Нидерланд;
Гурӯҳи B: Англия, Эрон, ИМА, Уэлс;
Гурӯҳи C: Аргентина, Арабистони Саудӣ, Мексика, Полша;
Гурӯҳи D: Фаронса, Австралия, Дания, Тунис;
Гурӯҳи E: Испания, Коста-Рика, Олмон, Ҷопон;
Гурӯҳи F: Белгия, Канада, Марокаш, Хорватия;
Гурӯҳи G: Бразилия, Сербия, Швейтсария, Камерун;
Гурӯҳи H: Португалия, Гана, Уругвай, Кореяи Ҷанубӣ.
Ҷоми ҷаҳон-2022 дар Қатар аз 21-уми ноябр то 18-уми декабр доир мегардад. Дар бозии ифтитоҳии мусобиқа мунтахаби Сенегал бо дастаи Нидерланд рақобат мекунад. Бозӣ 21-уми ноябр баргузор мешавад.
Бинобар тафовути вақт ду бозии рӯзи аввал (бо ширкати Эквадор ва Иёлоти Муттаҳидаи Амрико) ба замони дертар гузаронида шуд. Аз ин рӯ, мусобиқаро дастаи Қатар намекушояд.
Бозиҳои марҳилаи гурӯҳӣ аз 21 ноябр то 2 декабр, 1/8 финал — 3-6 декабр, 1/4 финал — 9-10 декабр, 1/2 финал — 13-14 декабр, бозӣ барои ҷои 3-юм — 17 декабр, финал — 18 декабр баргузор мешаванд.
