Пайвандҳои дастрасӣ

Хабари нав

Эмомалӣ Раҳмон муовини аввали раиси Бонки миллиро аз мақомаш гирифт


Ҷамолиддин Нуралиев 7 сол боз муовини якуми раиси Бонки миллии Тоҷикистон буд.

Эмомалӣ Раҳмон, раиси ҷумҳури Тоҷикистон бо имзои як фармон Ҷамолиддин Нуралиев, муовини раиси Бонки миллиро аз мақомаш сабукдӯш кардааст.

Дар ин фармон, ки рӯзи 10-уми июн дар вебсайти расмии президент нашр шуд, омадааст, ки Ҷамолиддин Нуралиев "бо сабаби ба кори дигар гузаштан аз вазифаи муовини якуми раиси Бонки миллии Тоҷикистон озод карда шавад."

Ҷамолиддин Нуралиев 7 сол пеш муовини якуми раиси Бонки миллӣ таъйин шуда буд. Ӯ, ки қаблан дар мақомҳои дигари ҳукуматӣ кор кардааст, аз афроди муҳим ва яке аз сиёсатгузорони иқтисод дар Тоҷикистон ба ҳисоб меравад.

Маълум нест, ки Ҷамолиддин Нуралиев ба кадом мақоми дигар таъйин шудааст ва ё барои кор хоҳад рафт. Ӯ 44 сол дорад ва шавҳари Озода Раҳмон, духтари Эмомалӣ Раҳмон аст, ки мақоми раҳбари Дастгоҳи раёсати ҷумҳурии Тоҷикистонро бар уҳда дорад.

Шарҳҳоро бинед (22)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!

Шарҳҳо

Шарҳи нав расид
Идома
XS
SM
MD
LG