Дар натиҷаи таркишҳои пайиҳам дар шаҳрҳои Кобулу Мазори Шарифи Афғонистон рӯзи 25-уми май 14 кас кушта шудааст.
Абдулнафӣ Такур, намояндаи Вазорати корҳои дохилии ҳукумати Толибон гуфт, дар таркиши масҷиде дар шаҳри Кобул ду кас кушта, даҳ кас маҷруҳ шуданд.
Дар беморхонае дар шаҳри Кобул хабар доданд, ки 5 кас фавтида, 17 тани дигар захмӣ шудааст. Миёни фавтидагон маргталабон низ ҳастанд.
То ин замон ҳеч кадом аз гуруҳҳои тундгаро масъулияти таркишҳоро ба уҳда нагирифтааст. Аз ин пештар чунин таркишҳоро шохаи “Хуросон”-и гуруҳи террористии "Давлати исломӣ” ё ДОИШ анҷом дода буд.
Дар Мазори Шариф, маркази маъмурии вилояти Балхи Афғонистон, дар натиҷаи се таркиш 9 кас кушта шуд.
