Пайвандҳои дастрасӣ

Хабари нав

Байден гуфт, Путин мехоҳад Украинаро "нобуд" кунад


Президенти ИМА Ҷо Байден дар нишасти матбуотӣ бо нахуствазири Ҷопон Фумио Кишида

Президенти ИМА Ҷо Байден ҳамтои русаш Владимир Путинро дар он гунаҳгор кард, ки мехоҳад Украинаро “нобуд” кунад ва барои ин амалаш, ба қавли Байден, “бояд дар дарозмуддат нархи” онро пардохт кунад. Байден, ки дар доираи сафари осиёиаш рӯзи 23-юми май дар шаҳри Токио буд, дар як нишасти хабарӣ гуфт, ки бомбаборони зербиноҳои мадании мисли мактабу театр, беморхонаву осорхонаҳо ҳадафҳои аслии ҳуҷуми Путин ба Украина дар таърихи 24-уми февралро намоиш дод. Байден гуфт, “ба бовари ман, Путин дар талоши ин аст, ки ҳуввияти Украинаро аз байн бубарад”.

Ӯ гуфт, “ӯ онро ба даст оварда наметавонад, вале талош мекунад, ки ҳуввияти миллии онро аз байн барад”. Украина Русияро дар роҳ додан ба ваҳшоният ва содир кардани дасти кам 10 ҳазор ҷинояти ҷангӣ муттаҳам кардааст. Русия мегӯяд, ки ба муассисаҳои мулкӣ даст намезанад ва ҳамаи далелҳои ин амалҳояш “саҳнасозӣ”-ҳои украиниҳо мебошад. Пеш аз он ки Путин, ба гуфтааш, “амалиёти вижа” алайҳи Украинаро шурӯъ кунад, “давлатдории воқеии Украина”-ро чандин бор рад карда ин кишварро бахши ҷудоинопазири “таърих, фарҳанг ва муҳити равонии” Русия номидааст.

Байден гуфт, ки Путин бояд нархи “ваҳшонияташ дар Украина”-ро бипардозад, то ки, ба гуфтааш, дигар кишварҳо ба айни чунин кор даст назананд. Ин изҳороти Байденро чун ишораи мустақим ба таниш дар равобити Чину Тайван арзёбӣ карданд.

XS
SM
MD
LG