Пайвандҳои дастрасӣ

Хабари нав

Русия гуфт, тахминан 1000 сарбози украинӣ аз "Азовстал" берун шуд


Сарбозони украиниро дар автобусҳо интиқол медиҳанд
Сарбозони украиниро дар автобусҳо интиқол медиҳанд

Русия гуфт, ки тахминан як ҳазор размандаи украинӣ, ки дар корхонаи пӯлодгудозии “Азовстал” ба нирӯҳои русӣ муқовимат мекарданд, худро таслим карданд. Сухангӯи вазорати дифои Русия генерал Игор Конашенков дар изҳороти рӯзи 18-уми май гуфт, ки дар давоми 24 соати гузашта 694 размандаи украинии паноҳёфта дар “Азовстал” “таслим шуданд” ва 29 нафари онҳо сарбозони ярадоршуда мебошанд. Конашенко гуфт, ки дар рӯзе аз он пеш 265 сарбози украинӣ, аз ҷумла 51 маҷрӯҳ силоҳи худро замин гузошта “таслим шуданд”. Дар умум шумори низомиёни украинии дохили корхонаро тарккарда 959 нафар ҳисоб шудааст. Ҳамаи онҳо, тибқи гузоришҳо, ба минтақаҳои шарқи Украина, ки зери назари Русия мебошанд, интиқол ёфтанд. Мақомоти украинӣ ҳанӯз ин оморро тасдиқ накардаанд. Рӯзи 17 май Ҳанна Маляр, муовини вазири дифои Украина гуфт, ки музокира барои табдили зиндониҳо бо маҳбусони рус ҷараён дорад.

XS
SM
MD
LG