Вазорати корҳои хориҷии Узбекистон дар пайванд ба хабари оташкушоӣ дар марзи ин кишвар бо Афғонистон ва ҳалокати як марзбони узбек, ки 4-уми май паҳн шуд, изҳорот нашр кард.
"Ин хабари паҳншуда ҳақиқат надорад. Вазъ дар марзҳои кишвар ором мемонад ва муҳофизати сарҳадҳои ҷанубии кишвар тибқи маъмулӣ идома дорад", - омадааст дар изҳорот.
Намояндаи расмии ҳукумати муваққати гуруҳи Толибон дар Афғонистон Забеҳуллоҳ Муҷоҳид низ хабари тирпарониро дар марз бо Узбекистон рад карда, онро "дурӯғ" номидааст.
