Нахустин пирӯзии “Равшан”-и Зафаробод ва аввалин бохти КМВА дар мусобиқаи лигаи олӣ

май 02, 2022

Нарзуллоҳи Латиф

Дар даври панҷуми мусобиқаи қаҳрамонии футболи Тоҷикистон-2022 миёни дастаҳои лигаи олӣ, ки рӯзҳои 30 апрел – 1 май баргузор шуд, чаҳор бозӣ доир гардид, хабар медиҳад сомонаи Федератсияи футболи Тоҷикистон.

Ба иттилои манбаъ, дар даври панҷуми мусобиқа КМВА (Клуби марказии варзишии артиш)-и Душанбе дар майдони худ аз “Равшан”-и Кӯлоб бо ҳисоби 1:2 шикаст хӯрд. Ин аввалин бохти низомиён баъди се пирӯзии паиҳам ба шумор меравад.

“Хатлон”-и Бохтар бозии даври панҷумро бо дастаи меҳмон - “Хуҷанд” -и шаҳри Хуҷанд бо ҳисоби 0:0 анҷом дод. «Регар-ТадАЗ»-и Турсунзода дар майдони худ «Эсхата»-и Хуҷандро бо ҳисоби 3:1 мағлуб кард. “Равшан”-и Зафаробод, ки дастаи меҳмон – “Истаравшан”-и шаҳри Истаравшанро бо ҳисоби 2:1 шикаст дод, аввалин пирӯзӣ ба даст овард.

Ба ин тартиб, баъди натиҷагирии даври панҷуми лигаи олӣ “Хатлон” бо 11 имтиёз дар ҷадвали мусобиқа мавқеи пешсафиашро нигаҳ дошт. КМВА бо 9 имтиёз мисли пешин дар ҷои дуюм қарор дорад. “Регар-ТадАЗ” бо 7 имтиёз ҷои сеюмро касб кардааст.

Бозиҳои даври шашуми мусобиқа рӯзҳои 7, 9 ва 12 май баргузор мешаванд.

Мусобиқаи қаҳрамонии Тоҷикистон - 2022

Лигаи олӣ. Даври 5-ум

«Хатлон» – «Хуҷанд» – 0:0

30 апрел. Бохтар. Варзишгоҳи «Пахтакор». 3100 тамошобин.

КМВА – «Равшан» (Кӯлоб) – 1:2

Голҳо: Шарафҷон Солеҳов, 36 (1:0). Коуасси Инносент, 64 (1:1). Абдухалил Боронов, 79 (1:2).

30 апрел. Душанбе. Варзишгоҳи КМВА-и Вазорати мудофиаи ҶТ. 1500 тамошобин.

«Регар-ТадАЗ» – «Эсхата» – 3:1

Голҳо: Ҷаъфар Исмоилов, 44 (1:0). Дилшод Бозоров, 67 (1:1). Фатҳулло Фатҳуллоев, 83 (2:1). Алиҷони Айнӣ, 86 (3:1).

1 май. Турсунзода. Варзишгоҳи «ТАЛКО-Арена». 2500 тамошбин.

«Равшан» (Зафаробод) – «Истаравшан» – 2:1

Голҳо: Мбеке Сиябатчу Деудони, 10 (0:1). Бахтиёр Зарипов, 14 (1:1). Бахтиёр Зарипов, 54 (2:1).

1 май. Хуҷанд. Варзишгоҳи «Спартак». 3500 тамошобин.

Мавқеи дастаҳо дар ҷадвали мусобиқа

Ҷ	ДАСТАҲО	Б	Ғ	М	Б	Т/Т	И
1	«Хатлон» (Бохтар)	5	3	2	0	7-3	11
2	КМВА (Душанбе)	4	3	0	1	6-3	9
3	«Регар-ТадАЗ» (Турсунзода)	5	2	1	2	6-5	7
4	«Равшан» (Кӯлоб)	4	2	1	1	5-5	7
5	«Хуҷанд» (Хуҷанд)	5	1	2	2	4-3	5
6	«Равшан» (Зафаробод)	5	1	2	2	5-9	5
7	«Истаравшан» (Истаравшан)	4	1	1	2	6-3	4
8	«Файзканд» (Восеъ)	4	1	1	2	3-7	4
9	«Эсхата» (Хуҷанд)	4	1	0	3	5-9	3
10	«Истиқлол» (Душанбе)	0	0	0	0	0-0	0

Рӯйхати голзанҳои пешсаф: Фатҳулло Фатҳуллоев («Регар-ТадАЗ»), Шарафҷон Солеҳов (КМВА), Абдухалил Боронов («Равшан» Кӯлоб), Бахтиёр Зарипов («Равшан» Зафаробод), Мбеке Сиябатчу Деудони («Истаравшан»), Санҷар Рихсибоев («Эсхата») – 3 -тӯбӣ.

Даври 6-ум

7 май (якшанбе)

«Эсхата» – «Равшан» (Зафаробод)

«Файзканд» – «Регар-ТадАЗ»

9 май (душанбе)

«Истаравшан» – КМВА

12 май (панҷшанбе)

«Хуҷанд» – «Равшан» (Кӯлоб)

«Хатлон» – «Истиқлол»

Эзоҳ: Оғози бозиҳо – соати 17:00