Дастаи “Хатлон”-и Бохтар баъди натиҷагирии даври сеюми мусобиқаи қаҳрамонии футболи Тоҷикистон миёни дастаҳои лигаи олӣ, ки рӯзҳои 16-17-уми апрел доир шуд, дар ҷадвал пешсаф аст.
Футболбозони “Хатлон” дар даври сеюми мусобиқа дар майдони худ – варзишгоҳи “Пахтакор”-и шаҳри Бохтар – дастаи «Эсхата»-и Хуҷандро бо ҳисоби 3:2 мағлуб намуданд. Дар ҳамин ҳол бохтариҳо бо 7 имтиёз дар ҷадвал мақоми аввалро азони худ кардаанд.
Клуби марказии варзишии артиши шаҳри Душанбе (КМВА), ки дар меҳмонӣ тими «Равшан»-и Зафарободро бо ҳисоби 2:0 шикаст дод, бо 6 имтиёз дар ҷадвал ба зинаи дуюм баромад. Низомиён як бозӣ камтар анҷом додаанд.
Се даста - «Истаравшан”-и шаҳри Истаравшан, “Хуҷанд”-и шаҳри Хуҷанд ва “Файзканд”-и Восеъ – чаҳоримтиёзӣ дошта, мутаносибан дар ҷойҳои 3-5-ум қарор доранд.
«Истаравшан» аз бозии даври сеюм озод буд. Бозии «Хуҷанд» бо «Файзканд», ки дар Варзишгоҳии марказии шаҳри Ҳисор баргузор шуд, бо ҳисоби 0:0 хотима ёфт.
Дар бозии дигари даври сеюм дастаи “Регар-ТадАЗ”-и Турсунзода дар майдони худ аз тими «Равшан»-и Кӯлоб бо ҳисоби 0:1 шикаст хӯрд.
Бозиҳои даври чаҳоруми мусобиқаи лигаи олӣ рӯзҳои 23-24-уми апрел баргузор мешаванд. Рӯзи шанбе «Равшан»-и Кӯлоб бо «Равшан»-и Зафаробод ва «Истаравшан» бо «Регар-ТадАЗ» бозӣ мекунанд. Рӯзи якшанбе ду бозии дигар миёни дастаҳои «Хуҷанд» - КМВА ва «Файзканд» - «Хатлон» - баргузор мешавад.
Мусобиқаи қаҳрамонии Тоҷикистон-2022
Лигаи олӣ. Даври 3-юм
«Файзканд» – «Хуҷанд» – 0:0
16-уми апрел. Ҳисор. Варзишгоҳи марказӣ. 100 тамошобин.
«Регар-ТадАЗ» – «Равшан» (Кӯлоб) – 0:1
Гол: Коуасси Инносент, 37.
16-уми апрел. Турсунзода. Варзишгоҳи «ТАЛКО-Арена». 860 тамошобин.
«Хатлон» – «Эсхата» – 3:2
Голҳо: Санҷар Рихсибоев, 43 (0:1). Нуриддин Ҳамроқулов, 69 (1:1). Санҷар Рихсибоев, 84 (1:2). Тони Бикатал, 88 (2:2). Парвиз Боқӣ-Охунов, 90+1 (3:2).
Аз майдон хориҷ шуд: Муҳаммадҷон Насков («Хатлон»), 77 – барои дашном додани сардовари бозӣ.
17-уми апрел. Бохтар. Варзишгоҳи «Пахтакор». 3000 тамошобин.
«Равшан» (Зафаробод) – КМВА – 0:2
Голҳо: Шарафҷон Солеҳов, 43 – аз пеналти (0:1). Шарафҷон Солеҳов, 79 (0:2).
17-уми апрел. Истаравшан. Варзишгоҳи марказӣ. 2200 тамошобин.
Мавқеи дастаҳо дар ҷадвали мусобиқа
|
Ҷ |
ДАСТАҲО |
Б |
Ғ |
М |
Б |
Т/Т |
И |
|
1 |
«Хатлон» (Бохтар) |
3 |
2 |
1 |
0 |
6-3 |
7 |
|
2 |
КМВА (Душанбе) |
2 |
2 |
0 |
0 |
3-0 |
6 |
|
3 |
«Истаравшан» (Истаравшан) |
2 |
1 |
1 |
0 |
5-0 |
4 |
|
4 |
«Хуҷанд» (Хуҷанд) |
3 |
1 |
1 |
1 |
3-1 |
4 |
|
5 |
«Файзканд» (Восеъ) |
3 |
1 |
1 |
1 |
3-6 |
4 |
|
6 |
«Равшан» (Кӯлоб) |
2 |
1 |
0 |
1 |
2-3 |
3 |
|
7 |
«Эсхата» (Хуҷанд) |
3 |
1 |
0 |
2 |
4-6 |
3 |
|
8 |
«Регар-ТадАЗ» (Турсунзода) |
3 |
0 |
1 |
2 |
2-4 |
1 |
|
9 |
«Равшан» (Зафаробод) |
3 |
0 |
1 |
2 |
2-7 |
1 |
|
10 |
«Истиқлол» (Душанбе) |
0 |
0 |
0 |
0 |
0-0 |
0 |
Голзанҳои пешсаф: Санҷар Рихсибоев («Эсхата») – 3 тӯб, Мбеке Сиябатчу Деудони, Отабек Зокиров (ҳарду аз «Истаравшан»), Парвиз Боқӣ-Охунов («Хатлон»), Шарафҷон Солеҳов (КМВА) – 2-тӯбӣ.
Даври 4-ум
23-юми апрел (шанбе)
Оғози бозиҳо – соати 16:30
«Равшан» (Кӯлоб) – «Равшан» (Зафаробод)
«Истаравшан» – «Регар-ТадАЗ»
24-уми апрел (якшанбе)
Оғози бозиҳо – соати 16:30
«Хуҷанд» – КМВА
«Файзканд» – «Хатлон»
