Натоиҷи қуръакашии мусобиқоти гурӯҳии қаҳрамонии футболи ҷаҳон-2022

апрел 02, 2022

Нарзуллоҳи Латиф

Рӯзи 1-уми апрел дар шаҳри Доҳаи Қатар қуръакашии мусобиқоти гурӯҳии қаҳрамонии футболи ҷаҳон-2022 баргузор шуд. Аз рӯи натиҷагирии қуръакашӣ таркиби ҳамаи ҳашт гурӯҳи мусобиқот муайян шуд:

Гурӯҳи А: Қатар, Эквадор, Сенегал, Нидерланд;

Гурӯҳи B: Англия, Эрон, ИМА, Украина/Шотландия/Уэлс;

Гурӯҳи C: Аргентина, Арабистони Саудӣ, Мексика, Лаҳистон (Полша);

Гурӯҳи D: Фаронса, Имороти Муттаҳидаи Араб/Австралия/Перу, Дания, Тунис;

Гурӯҳи E: Испания, Коста-Рика/Зеландияи Нав, Олмон, Ҷопон;

Гурӯҳи F: Белгия, Канада, Марокаш, Хорватия;

Гурӯҳи G: Бразилия, Сербия, Швейтсария, Камерун;

Гурӯҳи H: Португалия, Гана, Уругвай, Кореяи Ҷанубӣ.

Қаҳрамонии ҷаҳон-2022 дар Қатар аз 21-уми ноябр то 18-уми декабр доир мегардад. Дар бозии ифтитоҳии мусобиқот мунтахаби Сенегал бо дастаи Нидерланд рақобат мекунад. Бозӣ 21-уми ноябр баргузор мешавад.

Бинобар тафовути вақт ду бозии рӯзи аввал (бо ширкати Эквадор ва ИМА) ба замони дертар гузаронида шуд. Аз ин рӯ, мусобиқотро дастаи Қатар намекушояд.

Бозиҳои марҳилаи гурӯҳӣ аз 21 ноябр то 2 декабр, 1/8 финал — 3-6 декабр, 1/4 финал — 9-10 декабр, 1/2 финал — 13-14 декабр, бозӣ барои ҷои 3-юм — 17 декабр, финал — 18 декабр баргузор мешаванд.

Ёдовар мешавем, ки қаблан ФИФА мунтахаби Русияро аз ширкат дар бозии плей-офф бо тими миллии Лаҳистон (Полша) барои дарёфти ҳаққи ширкат дар Ҷоми ҷаҳонии 2022 маҳрум карда буд.