Варзишгарони ҷавони тоҷик барои ширкат дар мусобиқаи қаҳрамонии бокси Осиё ба Урдун мераванд

Варзишгарони тоҷик дар мусобиқаи қаҳрамонии бокси Осиё миёни наврасону ҷавонон, ки аз 27-уми феврал то 15-уми март дар пойтахти Урдун - шаҳри Уммон баргузор мешавад, иштирок хоҳанд кард.

Дар рақобатҳо миёни ҷавонон варзишгарони солҳои таваллудашон 2004-2005 ва дар рақобатҳо миёни наврасон варзишгарони солҳои таваллудашон 2006-2007 ширкат меварзанд.

Ба иттилои Федератсияи бокси Тоҷикистон, ба ҳайати мунтахаби кишвар 27 варзишгар дохил аст, ки 5 нафари онҳо духтарон мебошанд. Чаҳор нафар -– Фариза Ёқубова (50 кг), Насиба Шарифзода (54 кг), Бибиҷон Музаффарова (57 кг), Бибинишастамо Холова (60 кг) дар сабқати ҷавонон ва Ҳангома Исоева (57 кг) дар сабқати духтарон ҳунарнамоӣ хоҳанд кард.

Дар сабқати ҷавонон Тоҷикистонро 12 писар - 48 кг – Меъроҷ Зоидов, 51 кг – Асламҷон Қурбонов, 54 кг – Бузургмеҳр Иксанов, 57 кг – Абубакр Муродов, 60 кг – Абдураҳим Ёқубов, 63,5 кг – Саддам Давлатов, 67 кг – Анӯшервон Ҳақназаров, 71 кг – Юсуф Фозилов, 75 кг – Нурланбек Ерматов, 80 кг – Диёр Султонов, 86 кг – Акмалҷон Абдувалиев ва 92 кг – Парвиз Аҳмадов – намояндагӣ мекунанд.

Дар сабқати наврасон Тоҷикистонро 10 писар - 46 кг – Анушервон Фозилов, 48 кг – Меъроҷ Суфиҷонов, 50 кг – Ҷаъфар Ҳакимов, 52 кг – Дамир Муибалихонов, 54 кг – Руслан Ғафуров, 60 кг – Рустамҷон Ашуров, 66 кг – Усмоншайх Усмонов, 70 кг – Мирзобахтиёрхон Атоев, 75 кг – Аъзам Фозилов ва +80 кг – Фирӯз Раҷабов – муаррифӣ хоҳанд кард.

Қувваозмоиҳои ниҳоӣ рӯзҳои 13-14-уми март баргузор шуда, дар сабқати ҷавонон 51 қаҳрамон ва дар сабқати наврасон низ 51 қаҳрамон миёни писарону духтарон муайян карда мешаванд.