Дастаи мунтахаби футболи ҷавонони Тоҷикистон (U-20) аввалин бозии санҷиширо дар доираи ҷамъомади таълимиву тамринӣ дар Туркия бо тими «Ворскла» (U-20)-и Украина бо ҳисоби 0:0 анҷом дод, хабар медиҳад сомонаи Федератсияи футболи Тоҷикистон.
Ба иттилои манбаъ, ин бозии санҷишӣ 13-уми феврал дар маҷмааи варзишии «Арслон Зекӣ Демирчӣ»-и шаҳри Сиде доир гардид.
Аҳлиддин Турдиев, сармураббии тими мунтахаби ҷавонони то 20-солаи Тоҷикистон, ки ин бозиро бо ду ҳайати мухталиф баргузор намуд, ҳамаи бозигарони дар ихтиёри даста бударо озмоиш кард.
Футболбозони ҷавони тоҷик дар бозии дуюми санҷишӣ дар Туркия рӯзи чоршанбе, 16-уми феврал, бо ҳамсолонашон аз Македонияи Шимолӣ рақобат мекунанд.
Бозии санҷишӣ
Тоҷикистон (U-20) – «Ворскла» (Украина, U-20) – 0:0
Тоҷикистон (U-20): Сафармад Ғаффоров (Шаҳобиддин Маҳмудзода, 69), Меҳрубони Абдурауф (Содиқҷон Қурбонов, 46), Раҳматшо Раҳматзода (Меҳрубон Каримов, 46), Шаҳриёри Иноятулло (Рӯзимуҳаммад Абдураҳмонов, 46), Фахриддин Аҳтамов (Асадбек Зиёзода, 46), Аббос Андалебов (Азизбек Ҳаитов, 46, Ҳамзаҷон Аҳтамов, 70), Абдулло Шарипов (Меҳроб Асоев, 46), Ҳамадонӣ Камолов (Кабир Салимшоев, 46), Фатҳулло Олимзода (Бежан Нишонбойзода, 46), Алиҷони Айнӣ (Хуршед Давлатзода, 46, Суннатулло Азизов, 72), Абдулфаттоҳ Худойдодзода (Азизбек Далиев, 60).
13-уми феврал. Сиде, Туркия. Маҷмааи варзишии «Арслон Зекӣ Демирчӣ».
