Дар як садамаи мудҳиш дар роҳи Бохтар-Данғара чаҳор нафар ҳалок шудаанд. Ду нафари онҳо бародарон будаанд. Кумитаи ҳолатҳои фавқуллода мегӯяд, рӯзи 25-уми октябр мошини “Опел-астра”, ки аз ҷониби сокини 31-солаи деҳаи Лағмони шаҳри Кӯлоб идора мешуд, ба мошини “Мерседес-бенс”-и ронандаи 27-сола, аз ноҳияи Кушониён бархӯрдааст. Дар натиҷа ронандаи “Опел-астра” бо бародараш ва як мусофири дигар дар ҷойи ҳодиса ба ҳалокат расиданд. Сабаби садама таҳқиқ мешавад. Дар Тоҷикистон соле бештар аз ҳазор нафар бар асари садамҳои нақлиётӣ маҷрӯҳ гардида ва ё ҷони худро аз даст медиҳанд. Риоят накардани қоидаҳои бехатарӣ ва ҳаракат бо суръати баландро сабаби аслии ин фоҷиаҳо мегӯянд.
