Пайвандҳои дастрасӣ

Хабари нав

Падари бомби атомии Покистон даргузашт


Абдулқодир Хонро ба фурӯши асрори сохти бомби атомӣ муттаҳам кардаанд.

Абдулқодир Хон, маъруф бо номи падари бомби атомии Покистон дар синни 85-солагӣ даргузашт. Телевизиони давлатии Покистон рӯзи 10-уми октябр хабар дод, ки Абдулқодир Хонро пас аз бемории шуш ба шифохона бурданд, ҳарчанд пештар аз он гузориш буд, ки ӯ ба COVID-19 гирифтор шудааст.

Ин мардро дар Покистон мисли қаҳрамони миллӣ медонанд, чун ӯ нахустин касе аст, ки дар як кишвари мусулмоннишин бомби атомӣ сохтааст. Покистон нахустин бор соли 1998 бомби нахустини атомиашро бо муваффақият озмоиш кард.Рақиби он Ҳинд, ин корро соли 1974 карда буд.

Парвиз Хаттак, вазири дифои Покистон дар Твиттер навиштааст, ки аз фавти Абдулқодир Хон “бисёр мотамзада” шудааст ва даргузашти ӯро “талафоти азиме” барои Покистон хонд. Вазирони дигари кишвар ҳам барои марги ӯ паёмҳои тассалият гуфтаанд.

Абдулқодир Хон фарди баҳсбарангез ҳам буд, чун ӯро ба фурӯхтани асрори атомӣ ба Куриёи Шимолӣ, Эрон ва Либия муттаҳам кардаанд. Физики покистонӣ моҳи феврали соли 2004 дар Телевизиони давлатии Покистон зоҳир шуд ва эътироф кард, ки ғайриқонунӣ асрори сохти бомби атомиро ба дигар кишварҳо медод. Бо вуҷуди ин Парвиз Мушарраф, раиси ҷумҳури собиқи Покистон ӯро авф кард.

Моҳи декабри соли 2006 Кумиссиёни Манъи Аслиҳаи Қатли Ом гуфт, ки Абдулқодир Хон “бидуни огаҳии ҳукумати Покистон амал карда наметавонист”. Соли 2008 Абдулқодир Хон худи Мушаррафро ба даст доштан дар паҳн кардани асрори сохти бомби атомӣ муттаҳам кард ва ӯро “раиси асосӣ”- и муомила бо дигар кишварҳо номид.

Шарҳҳоро бинед (4)

Корбарони азиз! Ҳангоми навиштани шарҳ аз истифодаи таҳқиру тӯҳмат нисбат ба якдигар, намояндагони қавму миллатҳо ва динҳои гуногун худдорӣ кунед. Шарҳҳое, ки дорои туҳмату таҳқир, дашном ва иттилооти дурӯғанд ё гурӯҳеро таблиғ мекунанд, нашр карда намешаванд!

Шарҳҳо

Шарҳи нав расид
Идома
XS
SM
MD
LG