Муовини вазири корҳои хориҷии Русия гуфт, ки сафари президент Владимир Путин ба Тоҷикистон "дар ояндаи наздик" анҷом хоҳад шуд. Андрей Руденко дар як нишаст гуфт, "ҳарчанд сафари давлатии президент ба Тоҷикистон аз пеш тарҳрезӣ шуда буд, мутаассифона, сурат нагирифт. Аммо ин сафар ҳамоно дар нақша ҳаст." Владимир Путин мебоист, 15-уми сентябри имсол бо сафари давлатӣ ба Душанбе омада, беш аз 20 санади ҳамкориро бо раҳбарияти Тоҷикистон имзо мекард. Инчунин, иштироки ӯ дар нишасти сарони кишварҳои узви Созмони Паймони Амнияти Дастҷамъӣ ва Созмони Ҳамкориҳои Шонгҳой дар пойтахти Тоҷикистон дар назар буд. Вале ӯ як рӯз пеш аз сафар гуфт, бинобар ошкор шудани сирояти коронавирус дар атрофиёнаш ночор гӯшанишинӣ мекунад.
Як мансабдори Русия гуфт, сафари Путин ба Тоҷикистон "дар нақша аст"
