Ширкати S7 ("Сибир") аз Томски Русия ба чаҳор минтақаи Тоҷикистон парвози изофии ҳавопаймоҳояшро ба роҳ мемонад. Аз 6-уми ноябр, ҳар шанбе, аз Томск ба Душанбеву Кӯлоб ва аз 7-уми ноябр ба Хуҷанду Бохтар парвози ҳавопаймоҳо дар назар аст. Тибқи талаботи ҷорӣ, мусофирон пеш аз сафар бояд ташхиси манфии коронавирусро дошта бошанд. Бо вуҷуди бештар шудани парвози ҳавопаймоҳо миёни Тоҷикистону Русия, то ҳанӯз нархи билет баҳсбарангез мемонад. Намояндагони Оҷонси авиатсияи шаҳрвандии Тоҷикистон ба "Азия-Плюс" гуфтаанд, ҳоло нархи билет бамаротиб арзон шуда, барои равуо 5600-5900 сомониро ташкил медиҳад. Вале тавре хабаргузорӣ аз мушоҳидаҳояш мегӯяд, нархи билет танҳо ба як самт, яъне аз Душанбе ба Маскав, аз 5000 то 6500 сомонӣ аст.
Як ширкати русӣ парвози ҳавопаймоҳояшро ба Тоҷикистон бештар мекунад
![Russia, S7 Airlines](https://gdb.rferl.org/3eff4809-c77f-4216-9024-7cefce59e598_cx40_cy3_cw59_w250_r1_s.png)