Пайвандҳои дастрасӣ

Хабари нав

Парвози нахустин ҳавопаймои тиҷоратӣ аз Кобули зери назари "Толибон"


Мусофирони ҳавопаймои тиҷоратӣ дар Давҳаи Қатар фуруд омаданд. 9 сентябри соли 2021
Мусофирони ҳавопаймои тиҷоратӣ дар Давҳаи Қатар фуруд омаданд. 9 сентябри соли 2021

Баъди камтар аз даҳ рӯзи хатми амалиёти берункашии нирӯҳои хориҷӣ аз Афғонистон бо сабаби сари кор омадани “Толибон” ва манъи парвозҳои хориҷӣ, рӯзи 9 сентябр нахустин ҳавопаймои тиҷоратӣ аз Кобул ба Давҳа парвоз кард. ИМА гуфт, ки аз Кобул парвоз кардани тахминан 100 мусофир бо ёрии “Толибон” имконпазир шуд. Ин намунаи дигари равобити ноҳамвори миёни мақомдорони нави Кобул ва ИМА мебошад. Кохи Сафед дар изҳороте ин ҳодисаро “қадами мусбат” номид, чун “Толибон” ба шаҳрвандони Афғонистон, ки иҷозаи сафар доранд ва хориҷиҳо имкон доданд, ки аз кишвар берун шаванд. Нед Прайс, сухангӯи Департаменти давлатӣ гуфт, ки дар дохили ҳавопаймо даҳ шаҳрванди Амрико ва 11 сокини қонунии ИМА буданд. Дигар мусофирон шаҳрвандони Канада, Венгрия, Украина, Олмон ва Бритониё мебошанд.

XS
SM
MD
LG