Шумори умумии раъйдиҳандагон дар интихоботи вакилони халқии шаҳрҳои Бишкек, Ӯш ва Токмаки Қирғизистон 188,4 ҳазор нафарро ташкил медиҳад. Ин 30,5%-и шумори умумии интихобкунандагон аст.
Аз ҳама бештар дар интихоботи вакилони маҷлиси маҳаллӣ сокинони Токмак фаъол буданд, ки 44,5% иштирок кардаанд. Дар Ӯш 43,6% ва дар пойтахти Қирғизистон 24,5%-и афроди қобили раъй овоз додаанд.
Бино ба натиҷаҳои пешакӣ, ки аз сӯи Комиссияи марказии интихоботии Қирғизистон нашр шуд, ба маҷлиси Бишкек 6 ҳизб, ба маҷлиси Ӯш 4 ва ба маҷлиси Токмак 5 ҳизб роҳ ёфтааст.
Ҳизбҳои "Эмгек" - 18,3%, "Ота-Журт Қирғизистон" - 14%, "Ишеним" - 12,4%, "Интимак" - 10,7%, "Сотсиал-демократ" - 8,1% ва "Онугуу-Прогресс" 8,1%-и раъйи мардумро ба даст овардаанд.
