Президенти ИМА Ҷо Байден имрӯз дар Брюссел аст. Рӯзи 14-уми июн ин ҷо ҷаласаи сарони кишварҳои узви НАТО барпо мешавад ва сафари Байден баъди чор соли раёсатҷумҳурии пуршебу фарози Доналд Трамп ҳамчун аломати барқарор шудани равобити Вашингтон бо ҳамкорони фароатлантикиаш арзёбӣ мешавад. Дар ҷаласа Байден ва ҳамаи сӣ раҳбари кишварҳои узви ин паймони низомӣ ширкат хоҳанд кард. Як мулоқоти хусусии Байден бо президенти Туркия Раҷаб Тайиб Эрдуғон ҳам дар назар аст. Дар се соли охир ду раҳбар бо сабаби пандемияи коронавирус бо ҳам гуфтугӯи рӯбарӯ накардаанд, аз ин рӯ як бастаи масоили доғе дар равобити дуҷонибаву бисёрҷониба ҷамъ шудааст. Дар миёни ин масъалаҳо ҳам Афғонистон ва хуруҷи нирӯҳо, ҳам Русия ва Чин ва ҳам хароҷоти дифоӣ ёд мешавад.
Ширкати Байден дар ҷаласаи сарони кишварҳои НАТО
