Пайвандҳои дастрасӣ

Хабари нав

Дар Дави миллӣ дар Тоҷикистон ҳудуди 300 ҳазор нафар иштирок карданд


Дави миллӣ дар Душанбе. 16 май, 2021.

Дар дави миллӣ, ки рӯзи якшанбе, 16-уми май, дар саросари Тоҷикистон баргузор шуд, беш аз 295 ҳазор нафар одамони синну сол ва касбу кори мухталиф ширкат варзиданд.

Ба иттилои Кумитаи миллии олимпии Тоҷикистон, Дави миллӣ бо фармони президенти ҷумҳурӣ бо мақсади таҳкими тарзи ҳаёти солим, рушди варзиш ва оммавияти он дар байни аҳолӣ ҳамасола якшанбеи сеюми моҳи май доир мегардад. Аввалин бор Дави миллӣ бо иштироки Эмомалӣ Раҳмон 20-уми майи соли 2007 баргузор шуда буд.

Дар Дави миллӣ, ки имсол бори 14-ум доир гашт, дар шаҳри Душанбе беш аз 43000 нафар ширкат карданд. Чун анъана иштироккунандагони дав дар масири маҳаллаи Чорбоғ – Наврӯзгоҳ, ки масофаи 10 километрро ташкил медиҳад, давиданд.

Бояд гуфт, ки соли гузашта бо сабаби авҷи бемории коронавирус Дави миллӣ дар Тоҷикистон доир нашуда буд.

Шарҳҳо

Шарҳи нав расид
Идома
XS
SM
MD
LG