Тақвими бозиҳои дастаҳои "Равшан"-и Кӯлоб ва "Хуҷанд"-и Хуҷанд дар марҳилаи гурӯҳии Ҷоми AFC-2021, ки 14-уми майи имсол оғоз меёбад, муайян гардид.
Рӯзи 27-уми январ дар қароргоҳи Конфедератсияи футболи Осиё дар Куала-Лумпур қуръакашии марҳилаи гурӯҳии Ҷоми AFC-2021 баргузор шуд. Тибқи натиҷаҳои он рақибони бошгоҳҳои Тоҷикистон - "Равшан"-и Кӯлоб ва "Хуҷанд"-и Хуҷанд маълум шуданд.
Ғолиби феълии Ҷоми Тоҷикистон - "Равшан" дар гурӯҳи «Е» бозӣ мекунад. Рақибони “Равшан” қаҳрамони Қирғизистон -"Дордой"-и Бишкек ва ноиби қаҳрамони Туркманистон - "Аҳал" мебошанд.
Ҷоизадори нуқраи қаҳрамонии Тоҷикистон - «Хуҷанд», ки ба гурӯҳи «F» ворид шуд, бо дастаҳои АГМК ё «Насаф»-и Узбекистон, «Олтин Асир»-и Туркманистон ва «Олой»-и Қирғизистон бозӣ мекунад.
Марҳилаи гурӯҳии Ҷоми AFC-2021 аз 14-ум то 20-уми май дар шакли мутамарказ баргузор мешавад. Ғолибони гурӯҳ дар финали минтақавӣ, ки аз ду бозӣ иборат аст ва рӯзҳои 11-ум ва 25-уми август баргузор мешаванд, ширкат меварзанд.
Бояд гуфт, ки агар бошгоҳи AГMK ба марҳилаи гурӯҳии Лигаи қаҳрамонҳои AFC-2021 роҳ пайдо кунад, барандаи медали нуқраи қаҳрамонии Узбекистон – “Насаф”-и Қаршӣ дар Ҷоми AFC-2021 иштирок хоҳад кард. Агар АГМК натавонад ба даври гурӯҳии мусобиқаи асосии бошгоҳии Осиё роҳ ёбад, он гоҳ дар Ҷоми AFC бозӣ мекунад.
Ҷоми AFC-2021
Минтақаи Марказӣ
Гурӯҳи «Е»:
«Равшан» (Тоҷикистон)
«Дордой» (Қирғизистон)
«Аҳал» (Туркманистон)
Даври 1-ум
14-уми май (ҷумъа)
«Аҳал» (Туркманистон) –
«Равшан» (Тоҷикистон)
Даври 2-юм
17-уми май (душанбе)
«Дордой» (Қирғизистон) – «Аҳал» (Туркманистон)
Даври 3-юм
20-уми май (панҷшанбе)
«Равшан» (Тоҷикистон)– «Дордой» (Қирғизистон)
Гурӯҳи «F»:
АГМК (ё «Насаф» Узбекистон)
«Олтин Асир» (Туркманистон)
«Хуҷанд» (Тоҷикистон)
«Олой» (Қирғизистон)
Даври 1-ум
14-уми май (ҷумъа)
АГМК ё «Насаф» (Узбекистон) – «Олой» (Қирғизистон)
«Олтин Асир» (Туркманистон) –
«Хуҷанд» (Тоҷикистон)
Даври 2-юм
17-уми май (душанбе)
«Олой» (Қирғизистон) – «Олтин Асир» (Туркманистаон)
«Хуҷанд» (Тоҷикистон)– АГМК ё «Насаф» (Узбекистон)
Даври 3-юм
20-уми май (панҷшанбе)
АГМК ё «Насаф» (Узбекистон) – «Олтин Асир» (Туркманистон)
«Хуҷанд» (Тоҷикистон)– «Олой» (Қирғизистон)