Пайвандҳои дастрасӣ

Хабари нав

Маскав хост, Вашингтон ба созиши ҳастаӣ бо Теҳрон баргардад


Вазирони хориҷаи Эрон ва Русия дар Маскав мулоқот карданд
Вазирони хориҷаи Эрон ва Русия дар Маскав мулоқот карданд

Маскав дар ҳамовозӣ бо Теҳрон аз президенти ИМА Ҷо Байден даъват, ки таҳримҳои сахти иқтисодии боршуда ба Ҷумҳурии Исломӣ бардошта шаванд, то ки созиши ҳастаии ин кишвар бо қудратҳои ҷаҳонӣ нигоҳ дошта ва барномаи ҳастаияш таҳти назорат бошад. Вазири корҳои хориҷии Русия Сергей Лавров рӯзи 26-уми январ дар вохӯрӣ бо ҳамкори эрониаш Муҳаммад Ҷавод Зариф дар Маскав гуфт, ки мавзеъгирии Теҳронро пуштибонӣ мекунад ва таҳримҳо бояд бардошта шаванд, то Эрон ба иҷрои шартҳои созишнома баргардад.

Президенти пешин Доналд Трамп соли 2018 аз созишномаи ҳастаии қудратҳои ҷаҳонӣ бо Эрон берун шуд ва тирамоҳи он сол таҳримҳои сахттари иқтисодиро ба Эрон бор кард. Ин сабаб шуд, ки, Теҳрон оҳиста-оҳиста аз иҷрои шартҳои созиши соли 2015 имзошуда саркашӣ кунад. Ҷо Байден, президенти нави ИМА ваъда додааст, ки Вашингтон дубора ба созишномаи қудратҳои ҷаҳонӣ бо Теҳрон хоҳад баргашт.

XS
SM
MD
LG