Дар Русия вакилони маҷлис бо тамдиди панҷсолаи мӯҳлати созиши New START розӣ шуданд, ки ҳамчун қарордоди боздорандаи силоҳҳои ҳастаӣ маъруф аст ва як санади муҳими миёни Маскаву Вашингтон ба шумор меравад. Думаи давлатӣ дар овоздиҳии рӯзи 27-уми январ бо раъйи оро ба тамдиди санад мувофиқат кард. Ин созишнома соли 2010 имзо шуда, мӯҳлати иҷрояш ҳафтаи оянда ба охир мерасад. Бар асоси шартҳои ин созишнома, Русия ва ИМА шумори кулоҳакҳои ҳастаӣ, мушакҳо ва бомбафканҳои худро дар миқдори муайян нигоҳ медоранд. Як рӯз пеш аз ин Русия ва ИМА эълон карданд, ки созишнома дароз карда мешавад ва барои ин ризоияти Конгресси ИМА лозим нест.
Дума бо тамдиди 5-солаи созиши боздорандаи силоҳҳо розӣ шуд
