Дар шаҳри канори Маскав мурофиаи додгоҳии Алексей Навалний, пешвои мухолифони Русия шурӯъ шуд. Дар ин бора сухангӯи ӯ Кира Ярмиш хабар дод. Ба навиштаи ӯ дар Твиттер, “мурофиаи Алексей ҳоло шурӯъ мешавад. Соати 12:30, Химки, хиёбони Проспект Мира 23А, сохтмони 2, бинои вазорати умури дохилӣ”. Навалний шоми 17 январ аз Олмон ба Маскав расид. Ӯ дар як беморхонаи Берлин баъди заҳролудшавӣ муолиҷа гирифта буд. Ӯро дар фурудгоҳ боздошт карданд.
Дар додгоҳи Химки мурофиаи додгоҳии Навалний шурӯъ шуд
