Пайвандҳои дастрасӣ

Хабари нав

Мусобиқоти интихобии олимпӣ ва қаҳрамонии Осиё оид ба гуштӣ дар Алмаато доир мешавад


Акс аз бойгонӣ.

Иттиҳоди ҷаҳонии гуштӣ (UWW) дар бораи тасҳеҳи тақвими мусобиқот дар соли 2021 изҳорот пахш кард. Тибқи қарори нав Алмаато ду мусобиқаи бузургро баргузор хоҳад кард.

Ба иттилои Vesti.kz, мусобиқаи асосӣ ин рақобатҳои интихобии олимпӣ мебошад. Қаблан мусобиқаи интихобии Олимпиадаи Токио мебоист имсол барои гуштигирони Осиё дар Чин баргузор мешуд. Аммо бо сабаби вазъи душвор дар пасманзари пандемия, мусобиқа ба Бишкек (Қирғизистон) гузаронида шуд.

Баъдтар ба ташкили мусобиқа дар пойтахти Қирғизистон низ "мӯҳр зада шуд". UWW қарор кард, ки оғози рақобатҳоро ба соли 2021 мавқуф гузорад ва муддати тӯлонӣ ин сана танҳо моҳи апрел ва бидуни шумора буд.

Акнун маълум шуд, ки мусобиқаи интихобӣ дар Алмаато аз 9-ум то 11-уми апрел доир мегардад. Дар доираи ин чорабинӣ роҳхатҳои олимпӣ гирифта мешавад.

Қобили қайд аст, ки фавран рӯзи дигар, 12-уми апрел, қаҳрамонии Осиё дар Алмаато оғоз меёбад. Ҳамин тариқ, гуштигирони кишварҳои Осиё имкон доранд, ки бидуни тағйир додани макони худ ду маротиба рақобат кунанд. Мусобиқот рӯзи 19-уми апрел хотима меёбад. Худи мавсими гуштӣ аз моҳи марти соли 2021 фаъол мешавад.

Бояд гуфт, ки то ҳоло ягон нафар аз Тоҷикистон дар риштаи гуштии варзишӣ (гуштии озод ва юнониву румӣ) ба Олимпиадаи Токио роҳхат нагирифтааст.

Ёдовар мешавем, аз Тоҷикистон то имрӯз ду варзишгар – Баҳодур Усмонов ва Шаббос Неъматуллоев – дар риштаи бокс ба ҳаққи ширкат дар Бозиҳои тобистонаи олимпӣ, ки соли оянда дар Токио баргузор мешавад, мушарраф шудаанд.

Шарҳҳо

Шарҳи нав расид
Идома
XS
SM
MD
LG