Пайвандҳои дастрасӣ

Хабари нав

Натоиҷи қуръакашии марҳилаи интихобии қаҳрамонии футболи ҷаҳон-2022 дар қораи Аврупо


Яке аз варзишгоҳҳо дар Қатар.

Бар асоси қуръакашии марҳилаи интихобии қаҳрамонии ҷаҳон-2022 оид ба футбол, ки рӯзи 7-уми декабр дар Сюрихи Швейтсария доир гардид, 53 дастаи мунтахаби миллии қораи Аврупо ба даҳ гурӯҳ тақсим шуд.

Натоиҷи қуръакашии мусобиқаи интихобии қаҳрамонии ҷаҳон-2022:

Гурӯҳи A: Португалия, Сербия, Ирландия, Люксембург, Озарбойҷон

Гурӯҳи B: Испания, Шветсия, Юнон, Гурҷистон, Косово

Гурӯҳи С: Италия, Швейтсария, Ирландияи Шимолӣ, Булғористон, Литва

Гурӯҳи D: Фаронса, Украина, Финляндия, Босния ва Ҳерсеговина, Қазоқистон

Гурӯҳи E: Белгия, Уэлс, Ҷумҳурии Чех, Беларус, Эстония

Гурӯҳи F: Дания, Австрия, Шотландия, Исроил, Ҷазираҳои Фарер, Молдова

Гурӯҳи G: Нидерландия, Туркия, Норвегия, Черногория, Латвия, Гибралтар

Гурӯҳи H: Хорватия, Словакия, Русия, Словения, Кипр, Малта

Гурӯҳи I: Англия, Полша (Лаҳистон), Маҷористон, Андорра, Сан-Марино

Гурӯҳи J: Олмон, Руминия, Исландия, Арманистон, Лихтенштейн.

Мусобиқа рӯзҳои 24-25-уми март оғоз ёфта, рӯзҳои 14-16-уми октябри соли 2021 ба анҷом мерасад. Даҳ дастаи ғолиби гурӯҳ ба марҳилаи ниҳоии Ҷоми ҷаҳонии 2022, ки аз 21-уми ноябр то 18-уми декабри соли 2022 дар Қатар баргузор мешавад, роҳ меёбад.

Даҳ дастаи ҷойҳои дувумро ишғолнамуда моҳи марти соли 2022 дар марҳилаи плей-офф дар баробари ду ғолиби беҳтарини сабқати гурӯҳии Лигаи миллатҳои УЕФА дар солҳои 2020/21, ки то ҳоло ба бозиҳои Ҷоми ҷаҳонӣ тавассути сабқати интихобии Аврупо роҳ пайдо накардаанд ва дар он ҷойгоҳе ба даст наовардаанд, ширкат меварзанд.

Дувоздаҳ даста ба се роҳ тақсим карда мешаванд, ки ҳар яке дар нимфинал ва финал як бозӣ доранд. Се ғолиби плей-офф ба даври ниҳоӣ барои муайян кардани се кишвари аврупоӣ, ки ба Қатар сафар мекунанд, роҳ меёбанд.

Шарҳҳо

Шарҳи нав расид
Идома
XS
SM
MD
LG