Cадҳо нафар дар шаҳри София ба зидди ҳукумати Булғористон эътироз карданд. Тазоҳурот бо вуҷуди бархе аз тағйирот дар ҳукумат рӯзи 25-уми июл роҳандозӣ шуд. Норозиён шиори "истеъфо" ва "мафия" сар дода, ба тарафи бинои шӯрои вазирон бодимҷон ва коғази ташноб партофтанд. Бойко Борисов, нахуствазири Булғористон, ҳафтаи гузашта бо ҳадафи поёни тақозои истеъфо, ки аз сӯйи эътирозгарон матраҳ шудааст, чаҳор вазирро иваз кард, аммо муътаризон талаб доранд, ки тамоми ҳукумат канор равад.