Пайвандҳои дастрасӣ

Хабари нав

Баҳогузории оши палав дар Узбекистон: гаронтарин дар Тошканд, арзонтарин дар Намангон


Акс аз бойгонӣ.
Акс аз бойгонӣ.

Кумитаи давлатии омори Узбекистон "шохиси оши палав"-ро нашр кард. Бино бар иттилои кумита, гаронтарин оши палав дар Узбекистон дар шаҳри Тошканд мавҷуд аст. Дар он шаҳр як табақ оши палав ба ҳисоби миёна 1,75 доллар ва як килои он 12,26 доллар арзиш дорад.

Арзонтарин ошро дар Узбекистон мешавад, дар Намангон пайдо кард. Як табақ оши Намангон 1,14 доллар ва як килограми он 8 доллар арзиш дорад.

Дар шаҳрҳо ва минтақаҳои дигари Узбекистон қимати як табақ оши палав байни 1,14 то 1,75 доллар ва як килограми он байни 8 то 12 доллар арзиш дорад.

Кумитаи омори Узбекистон моҳи январи соли ҷорӣ эълом карда буд, ки "Шохиси оши палав"-ро ҷорӣ мекунад. Дар аксари давлатҳои аврупоӣ "шохиси Биг мак" ва дар Русия "шохиси Оливе" ҷорӣ шудааст. Кумитаи омори Узбекистон гуфтааст, барои ин кишвар "шохиси оши палав" мувофиқ аст.

XS
SM
MD
LG