Ҳуснӣ Муборак – президенти пешини Миср – дар 91-солагӣ дар бемористони Қоҳира даргузаштааст. Дар ин бора телевизиони давлатии Миср рӯзи 25-уми феврал хабар дод.
Муборак, ки тақрибан се даҳа дар Миср ҷилави қудратро ба даст дошт, дар моҳи феврали соли 2011 тавассути низомиёни он кишвар барканор карда шуд.
Ӯ дар моҳи июни соли 2012 ба ҳамдастӣ дар қатли тазоҳуркунандагон дар ҷараёни эътирозҳои “Баҳори Араб" гунаҳкор шинохта шуда, ба ҳабси абад маҳкум гардид. Вале дертар Додгоҳи олии Миср Ҳуснӣ Муборакро “сафед” кард ӯ дар соли 2017 аз зиндон раҳо шуд.
