Имороти Муттаҳидаи Араб ҳама парвозҳоро ба Эрон қатъ кард. Ин ҳафта пас аз афзудани ҳолатҳои нав дар Эрон, Итолиё ва Кореяи Ҷанубӣ тарсу ҳарос аз ин бемории сирояткунанда афзоиш ёфтааст.
Дар саросари ҷаҳон зиёда аз 80 ҳазор нафар ба ин беморӣ гирифтор шудаанд ва тақрибан 2700 тани дигар, ки бештарашон аз Чин мебошанд, ба ҳалокат расиданд.
Сухангӯи Вазорати тандурустии Эрон рӯзи 25-уми феврал ба телевизиони давлатӣ гуфт, аз 95 ҳолати тасдиқшуда дар кишвар, боз се нафари дигар фавтиданд.
Дар ҳамин ҳол, Идораи умумии ҳавопаймоии Имороти Муттаҳидаи Араб парвозҳои мусофирбарӣ ва боркашонро ба Эрон барои як ҳафта бо мақсади пешгирии паҳншавии вирус бастааст.
Дар Имороти Муттаҳидаи Араб 13 ҳолат сабт шудааст, ки ду ҳолати охирин ба як сайёҳи эронӣ ва зани ӯ вобаста буданд. Ин кишвари арабӣ муҳимтари шарики тиҷоратии Эрон дар Халиҷи Форс аст.
