Мансабдороне, ки дар ноҳияи Яккасаройи Тошканд ба буридани дарахтон дастур дода буданд, 200 ҳазор доллар ҷарима шуданд.
Додситонии шаҳри Тошканди Узбекистон нисбати муовини раиси ноҳияи Яккасарой ва моликони ширкати сохтмонӣ парванда боз кард, ки дарахтонро бурида буд.
Ба иттилои мақомоти Узбекистон, ширкати сохтмони "Building and supplies" 81 дарахтро бидуни иҷозат буридааст. Ширкат тасмим дорад, бинои истиқоматӣ бунёд кунад.
Кумитаи ҳифзи муҳити зисти Узбекистон рӯзи 21 феврал ба додситонӣ шикоят бурд. Додситонӣ рӯзи 22 феврал барои омӯзиши ҳолати мазкур гуруҳи вижа таъсис дод.
Рӯзи 23 феврал ширкати "Building and supplies" дар ғайриқонунӣ буридани дарахтон гунаҳкор дониста ва 200 ҳазор доллар ҷарима шуд.
Додситонӣ гуфт, дар ивази дарахтони бурида ниҳолҳои нав шинонда шудааст.
Президенти Узбекистон аз 1 ноябри соли 2019 то 31 декабри соли 2020 дар буридани дарахтон моратория эълом кардааст.
